विदुर–नेपाल मार्शल आर्ट्स हाप्किडो सङ्घको व्यवस्थापन तथा नुवाकोट मार्शल आर्ट्स हाप्किडो सङ्घको आयोजनामा भएको प्रथम राष्ट्रिय भर्चुअल सेल्फ हाप्किडो च्याम्पियनसिपमा आयोजक टोली नुवाकोट च्याम्पियन भएको छ । प्रतियोगितामा नुवाकोटका चार खेलाडीले स्वर्ण पदक जितेका छन् ।

नुवाकोटका समिर गुरुङ, दिनेश गुरुङ, निमेष गुरुङ र मनराज गुरुङले स्वर्ण प्राप्त गरेको आयोजक संस्थाका अध्यक्ष मनोज गुरुङले जानकारी दिए ।  यस्तै, दाङको टोली दोस्रो तथा कास्कीको टोली तेस्रो भएको छ ।

दाङका चेतन वली र गोपाल विकले तथा कास्कीका कृतिका गिरी र अन्जना परियारले स्वर्ण पदक जितेका छन् । स्वर्ण पदक जित्नेलाई जनही  १० हजार पुरस्कार प्रदान गरिएको अध्यक्ष गुरुङले बताए ।

प्रतियोगितामा रजत प्राप्त गर्ने खेलाडीलाई जनही  सात हजार पाँच सय तथा कास्य पदक पाउने खेलाडीलाई जनही  पाँच हजार प्रदान गरिएको छ ।

२०७७ भदौ २४